Pande Mbili Za Sarafu

‎Maisha ni kujieleza kunakoongozwa na Busara; kuzuia ukweli wako ni kukataa kuishi. Hata mtoto akiwa tumboni, hutenda kwa kufuata asili ya maumbile, akibadili mazingira yanayomzunguka. Mahali tunapofeli maishani ni katika kutaka kutawala mitazamo ya wengine tunaharibu uadilifu wetu ili kuepuka migogoro, tukisema ‘Ndiyo’ wakati busara inataka ‘Hapana,’ na ‘Hapana’ wakati ukweli unataka ‘Ndiyo.’ Kwa kufanya hivyo, tunajigeuza kuwa waigizaji wa tamthilia badala ya wanadamu wanaishi maisha halisi.
‎
‎Binadamu yupo kati ya nguvu mbili: msukumo wa kimwili na Uhalisia wa Kiakili. Vitu hivi viwili havichanganyikani, kama vile mafuta na maji visivyochanganyika. Msukumo wa kimwili unabeba vinasaba vyetu, mipaka yetu, na mauti yetu; lakini Uhalisia wa Kiakili ni wa ulimwengu wote ndiyo pumzi ya uzima iliyo ndani yetu. Kila mara unapojitoa mhanga ili kulidhisha mitazamo ya nje badala ya kuheshimu Uhalisia wako wa ndani, unajigawa nafsi yako, unakaribisha magonjwa, na kupunguza siku zako za kuishi.
‎
‎Miliki mwili wako kupitia fikra, na uongoze fikra zako kupitia roho yako. Hukumu mazingira yako kupitia kile kinachoguswa moja kwa moja na uzoefu wako, na sio kwa uvumi au matarajio ya watu wengine.
‎
‎Kusema uongo ni kubadilisha uhakika wa sasa hivi na hofu ya siku zijazo isiyo na uhakika. Mtu anayesema ukweli amemaliza wajibu wake na yupo kwenye amani; lakini mtu anayeongopa anazalisha dubwana ambalo lazima alilishe kila siku kwa wasiwasi na hofu ya kuangamia. Acha kuigiza ili kupata kibali cha watu wengine. Amani haitolewi kwa makofi ya watu wa nje—ni maamuzi yanayofanyika ndani ya akili yako mwenyewe.